Mga Gawa 14:21-23

Ang Biblia (1978)

²¹ At nang maipangaral na nila ang evangelio sa bayang yaon, at makahikayat ng maraming mga alagad, ay nagsibalik sila sa Listra at sa Iconio, at sa Antioquia,

²² Na ^(A)pinatitibay ang mga kaluluwa ng mga alagad, at inaaralan sila na magsipanatili sa pananampalataya, at sa pamamagitan ng maraming mga kapighatian ^(B)ay kinakailangang magsipasok tayo sa kaharian ng Dios.

²³ At nang makapaglagay na sa kanila ng ^(C)mga matanda sa bawa't iglesia, at nang makapanalanging may pagaayuno, ay ipinagtagubilin sila sa Panginoong kanilang sinampalatayanan.